اغار عليك

اغار عليك من كلبي والعيون
لذلك اني حاير وين اشيلك
وحقي ما اجيلك اني معذور
اغار عليك مني وما اجيلك
دخيلك ربي من الموت ما صيح
من زعلك صحت ربي دخيلك
تتكلب علية بس ما ابدلك
ابدلك بيش بس انتة بديلك
تتباهة انتة بجمالك انتة معذور
على الاجيال بيك اتباهة جيلك
عليل بحبك انة وحيل مرتاح
لان كاموا يسموني عليلك
اذا مرات افكر اشتكي عليك
اجيك ركاض من عندي اشتكيلك
مو احلاهم انتة بس دخت بيك
همه الاحلى بس محد حلالي
وحب من طرف واحد حبي وياك
واكل للناس بس حبك مثالي
ولحد الان بس انتة اقتنع بيك
ولحد الان بس انتة على بالي
اذا يحجون ما اسمعهم شيحجون
واذا تسكت اسمعنك يا غالي
شرجي وتخنك الرية واشم بيك
واكل للرية يمعودة شمالي
واذا تاكل بكلبي وما اخليك
احس مقصر ومدري شجرالي
عليك ابجي وعلية تضحك وازكيك
واكول شكد حنين شكد بجالي
اكلك غالي وتغلس واحاجيك
وتلبسني واكلهم كلي غالي
احبك غير احبك غير اداريك
غير انتة الي تبهذلي حالي
وما ترهملي بس تفصال احس بيك
ومر واضوكنك حلو شمحلاك
اغمض عيني مغمضة وتصد ليك
افتح عيني على غيرك انتة الكاك
هلا بجيتك اصيح وانتة ما جاي
واقشمرني واكوم اشابك وياك
بدونك حتى العيد مو عيد
وبعاشور جنة العيد بدون ملكاك
تسواني وتسوى الراح والجاي
وتسوى كل شي انتة وحتى تسواني