من شفتك تألمت

الى كل من وضع ثقته بمن لايستحق

صحيح تالمت من شفتك ويه الغير
وانت بلا خجل عشرتنه بايعهه......

وصحيح تفاجات بس عندي جان احساس
تغدرني بسهوله وروحي تخدعهه.......

ترة الاصله نبع يبقه على اصله سنين
شلونك بالجذب وهو نازعهه.......

اكوا هواي التحطهم عالجرح ويطيب
واكوا التحجي برايك وانت نافعهه........

مرات الشدايد تنفع المضنوك
بس زلمه الزين الشده يجرعهه.......

ومرات بالتحيه تجربه خاف يخون
وترسمله الخطوط الانته واضعهه.......

تحطه عالمحك بس يبقه غادر بيك
ويسمعك سوالف منته سامعهه.......

انه الشايف بشر متنظفت لليوم
عاشت عالغدر بس هذا واقعهه.....

وانه الشايف بشر بالشده من ننخاه
بجفوف الاخوة الشده يصفعهه.......

خلينه انتحاسب يله انه وياك
شكد عندي افضال عبالك اجمعهه.......

متاكد احرجك والسنين شهود
وماعندك دليل لروحي تقنعهه.......

بس عندك اسراري ومااكلك لا
لان متهمني بعد اسراري طلعهه......

انه بشكل الجروح التنجلم مرات
تتمنه الوجع ومو حيل يوجعهه.......

تالمت وصبرت وماشكيت الحال
وهمومي التجيني كبالي اركعهه......

اذا عندك راي وتعتقد انه الغلطان
ارائك اطرحه وخليني اسمعهه......

واذا تضيع وقت جاي انت هسه اليوم
حرام اوقاتي هسه وياك اضيعهه.....

شكرا على الطرح المميز.

مشكوررررر