لاتحلف عرفت اشبيك مابيك

لاتحــلف عرفت اشبيك مابيك

وعرفـت شضام بعيونك بلاوي
اصبر وارد الملمهن واجي ليــك
واحطهن وحده وحده وياك ناوي
الذنب مني على العيب البيه ادليك
وعدل ماراوغت يوم من اخاوي
جبتها وياك تزعل من احاجيك
شعير تبيعني وحنطه التـراوي
طبع يشبه حلاتك ماشفت بيك
ولابيض النوايه وياي نـاوي
اجيبك بالهلا و بعيوني اوديك
وألملم زينك وشينك واساوي
شكثر بجيتني وماناوي ابجيك
لان مااريد وحده بوحده اساوي
الندم ياكل بعض بعضك لخليك
وجرح نفسك بنفسك تداوي
عله كد غطاك لومديت رجليك
واذاخاويت زين الناس خاوي
اخوك ابن امك لوغـدر بيك
الاناء ينضح ترى بالكان حاوي