شعر للي توه بادي يحب

حبيتك بروحي وما حجيت وياك & خفت من اكلك تبتعد عني

وضميتك بروحي وما كلت للناس & ورضيت ابقى بعذابي ولوعتي ووني

بس لشوكت اصبر والصبر محدود & وانت بنضرتك يوميه تكتلني


معروفه اليحب بس الكلب ينطيه & بس انت شلع شو مني ماخذني

على جروح الكلب تتمشه من تفوت & ومن دمعات عيني جفوفك تحني

بعيونك سوالف بيهه الف تفسير & وحرت من يا نضره منهن بيها تقصدني

اريدك اتحس عذابي ومتكلي كون تعيش & ليش انه الوحيد الشوك ماكلني

وليش انه انهضم واتحمل اللوعات & وانت بكل وكت مرتاح وتغني

اشوفك جوه كلبي اشايل من هموم & واشوفك نار كلبي البيك تحركني

وراها بكيفك انت تقرر وتختار & لو تبنيني بيدك لو تفلشني