بوسة ........ وسوالف

بعدني انزف شعر..من جرحي ماخاف

واسكت كيف ؟ وجــــــــروحي سوالف

ينذل الجـــــــــــــــــــرح لوفاركَ ادماه

وشوفه شلون هيبــه .. وهـــوه نـازف

يبو روح (القـــــصـر) تانيني اراويــك

اشخلف قصركم بالصــــــــــــــــــرايف

يصح من مات .. لكـــــن كَلبه مـــرتاح

ويصح عايش نعـــــم.. بس كَلبه واكَف

وفرق بين الينام .. وحظـــه ناطـــــــور

عن ذاك المساهـر حظه حــــــــــــايف؟؟

غريب انه اذا ربعي يضحــــــــــــــكون

بس وكت الحزن كلــــــــــــــهم معارف

ادوّرعطر شيـــــله بحضـــــــــن الايتام

وبحلوكَ الثكالى اعــــــله اللطـــــــايف

وعشت عاطل الجيتك .. فايله عيــــون

بلكت بالحــــــــلم يلكَــــــــــه الوضايف

يااسف كَمـــــــــــت مرغــــــــم اسمّيك

من كَد ماتردد يمــــــــــــــــــــــي اسف

صرت (مـــــيـ ) لجنابك يلله بس عود

الك اقنع ابـــــــــــــوي يصير (ــخالف)

انه بروحي طفــــــــــــــــــل تايه يناديك

جا هلبت تحـــــــــــــــــن ابطفل خايف؟

دكَ بيبان صمتي

بكـلـــ اهــــــــــــــــواك ــــمة

تطيح اسنيني بوســــــه اعله الشفايف

شكرااا على المضوع مشكوررر