الرئيسية
المنتديات
الانتساب : 
العمر : 
المساهمات : 
نقاط التميز
فرهدني على كيفك وأخذ كلشي تريد
أخذ مني ألبقى من سنيني وأيامي
آنه كلي حلالك وأنت جيتك عيد
يعني آنه من اشوفك أكسر صيامي
شما تاخذ أگلك بعد فرهد زيد
وألك أفزع علي يامصدر ألهامي
نذر ناذر الك ماردك شمتريد
وأريد أوفي ألنذرماخالف اسلامي
گلبني على كيفك واخذ كلشي شتريد
ما ردك اخاف تزيد أثامي
بس گلبي أتركه ....الك ميفيد
بي مسكن الك بي شايل آلامي
وي گلبي ردت تتركلي فد أيد
خاطر بيهه الزمك ولو بأحلامي
ومن تبعد علي والشوگ بي يزيد
بيهه أكتب شعر لتيتم اقلامي
فرهدني على كيفك وآنه أتعناك
أندهني اجيك ولابس أحرامي
فزعني على روحي أوگف وياك
ضلوعي سيوف الك وتسابگ اسهامي
وأذا متني تعب بأجدامي أني أفداك
وآنه لاجلك ابد ماتتعب أجدامي
وأذا چلت ضلوعي تحارب اعداك
أكسرهن وأذبهن والله گدامي
ضلع ألما يهدلي ويكسب رضاك
جريمه بجسمي يبقى مرافگ عظامي
