منتديات الجنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات الجنة

منتديات الجنة منتدى عراقي يهتم بالطلبة العراقيين والشباب العراقي ... منوع اجتماعي خدمي


نقاط مهمة لكل الراغبين بالدراسة في ماليزيا (مهم جدا)

AlJna
AlJna
نائب المدير العام
نائب المدير العام


الجنس : ذكر
الانتساب الانتساب : 19/06/2009
العمر العمر : 27
المساهمات المساهمات : 14331
نقاط التميز نقاط التميز : 31718
تقيم المستوى تقيم المستوى : 99

default نقاط مهمة لكل الراغبين بالدراسة في ماليزيا (مهم جدا)

مُساهمة من طرف AlJna 2012-08-03, 12:06 am

بسم الله الرحمن الرحيم

هذا الموضوع كتبته في صباح يوم الاحد المصادف
10/5/2009
لتوضيح مجموعة نقاط
تم تحديث الموضوع بتاريخ 27/12/2009
بأختصار ابحث عن جامعة قوية معترف بيها ,, وتفيدك بدراستك ومستقبلك ..

نقاط مهمة قبل ماابدي ..
- ابتعدو عن الدراسة عن طريق الكورسات فقط ويسموه
coursework Mode
- ينصح بالدراسة بالنظام مكس مود اي كورسات وبحث
Mix mode
- او عن طريق البحث
Research
هذا موضوع يوضح وجه نظر البعثات العراقيية من ناحية معادلة الماجتسير حسب كل نظام
[ندعوك للتسجيل في المنتدى أو التعريف بنفسك لمعاينة هذا الرابط]

للعلم الدراسة عن طريق البحث لا تتطلب معدل ولا موعد تقديم ,, فقط قدم مع اوراقك ورقتين اكتب فيها الفكرة والمجال اللي تريد تدرسة..
مساوئ البحث تطول الفترة شوية تصل للسنتين ونص الى 3 سنين

- المعدل الجامعات الحكومية تطلب معدل عادتا لأن الرغبة الكبيرة من قبل الطلاب لدخول الجامعات الحكومية لقوتها وفائدتها وايضا الخدمات اللي تقدمها الجامعات الحكومية ..
* فالازدحام من قبل الطلبة لدخول الجامعات الحكومية خلت تعلي المعدلات.
* وايضا المعدل مو شرط بكل الجامعات الحكومية ولا بكل الكليات فنصيحتي اخوية قدم ولو كان معدلك قليل جوة السبعين .. لأن اكو فرصة تنقبل بس اقل من اللي فوك السبعين .. طبعا ارفق وية التقديم شكو ورقة ممكن تفيدك ,, مثلا انكليزي , خبرة عمل , دورات اخذتها , تزكية من دكاترتك اللي درسوك , مؤتمرات حضرتها , اي شي ممكن يفيدك .

راجع تجربتي الشخصية رقم واحد بالنسبة للمعدلات في نهاية الموضوع.
---------------------

- الجامعة اللي تطلب انكليزي جامعة تهتم بالمستوى .. يعني شنو معناها الدراسة بالانكليزي ويجون طلاب ميعرفون يحجون انكليزي ؟؟
- شلون تكتب
- شلون تكوم تشرح وتناقش وتكون مميز داخل القاعة .
- شلون تتواصل وية زملائك والاساتذة .
الجامعات اللي دتطلب انكليزي هية UPM , USM , UM
بالنسبة لل USM تطلب اي شهادة انكليزي انك درست مو شرط تكون توفل او ايلتس
* واكو بعض الجامعات الحكومية متطلب انكليزي مثل UUM متطلب انكليزي.
- تحديث اغلب الجامعات حسب النظام الجديد بدت تطلب انكليزي.

فنصيحتي اذا اتقنت الانكليزي الدراسة تصير واضحة وصحيحة .. اغلب الجامعات الحكومية بيها مركز لغات , اذا تاخذ بيه كورس الانكليزي تنعفي من شهادة الانكليزي ..

راجع تجربتي الشخصية 2 بنهاية الموضوع

---------------------


مميزات الجامعات الحكومية ...

- المختبرات في الجامعات الحكومية مستحيييييييييل تتواجد بجامعات اهلية ..
فاللي يريد يكمل طبية صيدلة كمبيوتر هندسة واي اختصاص يحتاج مختبرات .
* طبعا اكول هالشي من باب انو انا جربت هالشي ,, انا ادرس علوم حاسبات ,, واحتاج في بعض المواد مثل ال Parallel and Distributed انظمة حاسبات معينة ومستحييل لو تفر ماليزيا كلها متلكاها غير بجامعات حكومية ويمكن هم مو بكل الجامعات الحكومية فقط المميزة بأختصاصات الحاسبات.

- المؤتمرات والدورات القصيرة اللي تصير بالجامعات الحكومية بشكل مجاني ..
الجامعات الحكومية هية المكان الوحيد اللي تقام فيه المؤتمرات وال Work Shops المتقدمة
وتكون عادتا مجانية للطلبة .. فتخيل الخبرة اللي تكسبها والثقة بالنفس من حضور مؤتمرات ذات شأن ..
وايضا هالشي عن تجربة شخصية لحد الان حاضر 2 مؤتمرات , 3 workshop على حساب كليتي ..


- الترفيه والسكن والرعاية الصحية الخدمااااااااات المجانية ..

-الجامعات الحكومية عادتا تكون ذات مساحات كبيرة ,, وتتضمن نوادي رياضية , مسابح , ساحات ركض , كرة قدم , تنس , قاعات حديد ,,,

- الرعاية الصحية لا سامح الله لو الطالب تمرض ,, مستشفى الجامعة متوفر ومجاني ,, وحتى عيادة اسنان .

- السكن الجامعي : السكن الجامعي مختلف من جامعة لجامعة اخرى ولكن اغلب الجامعات توفر سكن لطيف للطلبة وعادتا يكون هناك تغطية انترنت واير ليس ,, في بعض الجامعات يكون داخل السكن وبعض الجامعات يكون بالكافتريا الخاصة بالسكن .

- توفر الباصات اللي تنقل بين الكليات داخل الجامعة .

- طبعا الجامعات الحكومية هي بأدارة الحكومة الماليزية فتكون الى حد ما اسلامية ..
شقصد بالاسلامية
- يعني يمنع بيها اي نوع من انواع الاكل الحرام
- المساجد اللي تكون بكل كلية .

---------------------
وبالتوفيق لجميع اخواني واخواتي ,, ويارب كل شباب العراق يدرسون احسن دراسة وينتظرهم افضل مستقبل ان شاء الله ,, والكل ترجع للعراق ويبني العراق كلمن بأختصاصة

تحياتي
محمد
10/5/2009
---------------------------------------------------------------

تجربة شخصية 1:انا وصديق اللي مقدمين جنة على جامعة ال UM معدلي 72 ومعدل صديقي الله لا يكذبني يمكن 65 ماذكر بس جان بالستينات .. اني مقدم على علوم حاسبات وهوة مقدم على هندسة البرمجيات ,, اني اجاني رفض من علوم الحاسبات وصديقي انقبل في هندسة البرمجيات .. طبعا الرفض اهنا لسبب انو اختصاص علوم الحاسبات عليه ضغط كبير من قبل المتقدمين ولذلك علوو معدل القبول ..
بس الحمد لله جنت مقدم على جامعتين ,, وطلعلي القبول بالجامعة الثاني اللي مقدم عليها والحمد لله كأن الله يريد خيري جدا ارتاحيت في جامعة USM خاصة هي بجزيرة هادئة جوها حلو ,, الجامعة حصلت على فد شي لي هسة ماعرفة يكولوة "ابيكس" بما معناه انو الدولة اختارات الجامعة هاي لتكون الاولى في ماليزيا.


تجربة شخصية 2: طبعا تجربتي هاي جدا فاشلة فحتى لا توكعون بيها ,, نصيحة اذا ردتو تدرسون انكليزي قبل الجامعة فأدرسو انكليزي بمركز اللغات الخاص بالجامعة اللي تريدون تقدمون عليها .. لا تدرسون بمعاهد خارجية ..
فوائد انك تدرس بمعهد الجامعة ..
- انك تنعفي من شرط شهادة الانكليزي وية التقديم .
- اقامة الجامعة تدكلك على كد فترة الدراسة .
- سكن داخل الجامعة اللي هوة ارخص كلش كلش كلش من تسكن بخارج الجامعة .



نقاط مهمة لكل الراغبين بالدراسة في ماليزيا (مهم جدا) 11111112

نقاط مهمة لكل الراغبين بالدراسة في ماليزيا (مهم جدا) Oousoo10

مدونتي
[ندعوك للتسجيل في المنتدى أو التعريف بنفسك لمعاينة هذا الرابط]

    الوقت/التاريخ الآن هو 2022-06-29, 6:23 pm