فلاش "جتني رسالة" من أخت لأخوها مؤثر جدا ً

بسم الله الرحمن الرحيم
السلام عليكم ورحمة الله وبركاته
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين


مساكم الله بالخير و بالمسرات يا أحلى اعضاء بمنتدانا الغالي .. (( جنة الاصحاب )) .. ملتقى الأحبه ..


ودي بشوفك دام الأعمار بفسوح
قبل الرحم ياخــــــوي منا يروحي
زل الزمــــــان اللي به أفراح ومزوح
انخاك " تكفى " لا تظنه مــــــزوحي


هي عبارات ..

" لا "

بل عبرات تسكب لمن هجر وقهر وقطع

---

على عتبات تذكر الموت تنقطع كل حضوض النفس وكبريائها

" ياخوي "

بيفرحك خبر موتي وانت ماشفتني من سنين ؟


قاطعتني عشان كلام الناس أو بسبب كلام الناس أو بسبب أرض ودنيا دنيئة

أو لأي سبب !!

ونسيت أيام طفولتنا مع بعض !

يوم كنت أنام في حضنك .. وتشوف سعادة دنياك في سعادتي

يوم كنت تقدمني في طلباتي على نفسك وعيالك .. وحتى زوجتك !

يوم كنا نتقاسم " حلاوة " أبوي اللي يجيبها لنا وهو جاي من الدوام !

نسيت يوم كنت تمرض واجلس جنبك افرك بيدي مدري وش اسوي عشانك ..

ويوم كنت أمرض وتسرع بي للمستشفى

تخاف علي من إحساسي بالألم ..

" واليوم أنت كل الألم "

--

آآآآآهـ يا " أخوي "

كيف قلبك وسع كل هالكون والناس اللي فيه من عدو وصديق

و" ضاق " على أختك وزوجها وعيالها !!


--

وش أقول لعيالي وهم يسألوني عنك !

أقول " خالكم " مايبيكم ولا يبي شوفكم !

كيف أقولها وانا حضنت عيالك في حجري وياكثر ما ناموا على يدي

واليوم " تطرد " عيالي من دنياك وهم يدورون عليك !

----

ياخوي

وش حال قلب أبوي وأمي وهم يشوفون تقاطعنا كذا !

وش حال قلبك لو شفت عيالك متقاطعين قدام عيونك

وأنت تضرب بيد على يد من قلة الحيلة وكلك أسف ..

--

ياخوي


اليكم الرابط...

وان شاء الله يعجبكم



....http://www.4shared.com/video/C65nL5vu/__online.html

جزاك الله كـل خير