الشاعر عبدالامير الفتلاوي يرثي زوجته

قصيدة الشاعر المرحوم عبد الامير الفتلاوي في رثاء زوجته من تراثنا الشعبي
عني تروح وانته الروح من فركاك
عكلي وياك .روحي وياك .اروح وياك
* * *
اروح وياك اخذني وياك روحي تروح
ركص الطير ركصي لو ركص مذبوح
اهن روحين صارن روح روح بروح
ياسلوة سلاني الموت كون اسلاك
* * *
جيف اسلاك وانته بناظري وضياه
ويلي واه مني شاه طيري وتاه
لازم كلبي بيد وبيد انادي هناه
يولفي هاك ريض شوف حالي هاك
* * *
هاك وشوف هذي ناشفه من هاي
فكدك داي لاجن داي اهو من داي
وراك انداي ما وافاك صوت انداي
يامدلول ناديني واجي اعله انداك
* * *
صوت انداك راح اوداي الك ماراح
شوفي راح واصفك راح راح براح
اريد انعاك كون وشامتي يرتاح
كون انعاك اريد انعاك بيش انعاك
* * *
كمت انعه بطرف مشبوح دمعي موح
وراك الدوح اخذ نوحي بنوحي ينوح
كلبي ذاب بعد منين مهجه وروح
جسمي هنا.جسم بالي وروحي هناك
* * *
روح هناك وبجسمي سكم سلي
شلي بعيشتي بعدك بعد شلي
انه الكلي ابكلك وتنه الكلك بكلي
تدري اشفاي شوفك دون رشف شفاك
* * *
رشف شفاك شنسه من هوانه الفات
بين جعود جنها آفآت مختلفات
عند الموت بالسكرات اعن هيهات
عن هواك اصيح اهواك وين هواك
* * *
وين الزين والزينه وبعد كل زين
عند الريم الك وضعين جيد وعين
جسم وروح دنيه ودين مشتركين
جنه اشراك اود بالموت واحنه شراك
* * *
تحياتي
صمت الغرام لا يزعجك "صمتي"
ترى والله (اغليك)
وترى الغلا ماهو بكثر
السوالف

مشكوررررر

شكرااا على التوبيك الحلو