ابوذيات بطعم العسل

--------------------------------
هـــــل لك بالدليل يصير منفاك
وواضب بالسـوالف ليك منفاك
تأذني اعلـــه ريج النزل منفاك
جرعة تزيل داء المكث بيه

صدك دهري يمحبوبي تهاني
لجـــن كل يوم اوديلج تهاني
اذا اسمع يصيح احــد تهاني
اهبن وانطفي بعلتي الخفية

روحك بعــد ما ودها وردها
وقســم بالله لزعلهـا وردها
بيمنتها تجي تحمــل وردها
وخنجر حضرت يسرتها ليه

بخت يراد حته اوصل ونالك
يحلو الطول اليه انته ونالك
ما تدري اشكثر كلبي ونالك
ابصباحه عليك واكثر مسيه

الوكت نكته ابحلك غيري سواني
وابد ما صارت ابواحـــــد سواني
اعله كتلي الوكت هم عنده سواني
وعشيره اتكله اكتله بغير ديه

ليالي الفـــــرح مليتن .... شجاجن
وعكب ماجان يطربنه ... شجاجن
سهــم اهواي بكلبي ..... شجاجن
ذبحني ولا جنه يعرف بيه

وحك التحكــــــــم الوادم بعد لا
الكلب مثل النجــــــــــــم بعد لا
مـــــــــــــد ايدك ودورني بعدلا
تجد ذره محنة اعليك بيه

انه بروحي مراره علج بستك
ترد روحي لون بشفاك بستك
والك طار الكلب بجناح بس تك
كسر جنحه الهوه ومارد اليه
-------------

موضوع رائع
والاروع هو موضوعك
جزاك الله خيراً
تقبل تحياتى

مشكور حب