الرئيسية
المنتديات
الانتساب : 
العمر : 
المساهمات : 
نقاط التميز
تعا ل ومر عليه وشوفني شبيه.....اموت لشوفتك يافلان ليليه
احس بلون وجهك بي حزن عاشور....بس بداخلك شايلي عيديه
شبكتك بالحلم وادري الحلم كذاب...واحس جنت بشبكتك شبكه عذريه
طولك مثل طول!!مايشبهك طول....كلك مدري شنهي تكول حوريه
هاي عيون ؟!عندك لوبحر قزوين...لو دجله وفرات بكل معانيه
خصرك عرض معضدوالتلزمه جفوف...واجدامك وصفهن ميه بالميه
لؤلؤ من جبينك لوعركت يطيح...وبس جفك يلوك ايصير جفيه
ومايلزم شعرك جنه مثل الماي...وتمشطه الفراشه بورده جوريه
اترف من ترافة وردة البستان...ولامثلك جذب على الكره الارضيه
مااصدك لزمتك جني لازم ماي...والدنيا من اشوفك تنكلب بيه
ارمش ماصدك واله اضوكن بيك...واتلمس بطولك خاف برحيه
لوحه تكول جنك لونحت منحوت...يمكن موبشر واجذب عليه
براءه تفيض اشوفك عاطفه واحساس...ومن كلبك اشوفك تفيض حنيه
انته عذرني خاف تخبلت بالشوك...ماشوفك كمت بس مره يوميه
رايح لاتكلي انساها مال تروح...حاسب حياتك عندي بس جيه
كاعد بيه انته واله اكولن وين...شو جنك بعيد تقرب مني شويه
يم خدك اريد تحطني ترجيات...حتى اكدر ابوسهن واني ترجيه
