لوحة الخوة

لوحة الخوه

أكو أخ امن الأبو
واكو من أمك أخو؟؟

واكو من امك وابوك ـــــــ واكو صاحب صار اخوك
والعرف فسر هذوله ــــــ أنتبه رحمه الأبوك؟؟

راح اسولف شنو الخوه الخالده
ربه أخً لم تلده الوالده
يظحي لجلك يوگف ابوجه العده؟؟

هذا گاله اعله الصديق ـــــــ الما يتركك بلطريق
وراح لبن امك وابوك ــــــ يحچي ميز يا صديق
حزام ظهرك بالشدايد ـــــــ يعني ميعوفك بظيق؟؟

وشوف گوله اعله ابن أمك ــــــ وانتبه يا بعد عمك
لو أبن أمك أخيك ـــــــ مثل ثوب الي يلمك
يعني ميعوفك وحيد ـــــــ أويه همه ايشيل همك ؟؟

وشوف گوله اعله ابن ابوك ــــــ مثل گوم الرافگوك
يعني مينصر أكيد ـــــــ ويفزع ويه الحاربوك ؟؟

العرف كل هذا گاله ــــــــ وصار للوادم سوالف
وما أخالف ويه عرفي ــــــ لكن بنقطه أخالف
وتالي يظهر كل مخالف ــــــ أنتبه وعليك حالف؟؟

وياي هم رايح تخالف
أنتبه فسر كلامي
يا بعد أهلي وعمامي ــــــ شوف شذكر يا أسامي؟؟

على أبن الأبو گال العرف شين
والله غلطان العرف وانتبه زين
مو أبن فاطمه سبع الگنطره
لچن حد الموت ما عاف الحسين؟؟

يعني مو أني المخالف ــــــ العرف مگلوب يمشي
خوة العباس حمزه ـــــــ والعرف سواهه وحشي




اهداء الى اسامة

مشكوررررر