الرئيسية
المنتديات
الانتساب : 
العمر : 
المساهمات : 
نقاط التميز
قصيدة للشعر صاحب الضويري والرد عليها من قبل الشاعر منهل هادي منقول
وين الرفاكه اللي بذراهم نمت / والوادم يكــــولـــــون نايـــم رغد
وانا على بوخوان الي تشايمت / تالي اطلعو من الشدايد اشد
وين الذره ووين التجيه اصبحت / وذيج المباني تلايمـــــــت مالها
انجان الليالي من الليالي استحت / شدت حملها وجرت أحبالها
والله انتهينا يصير مـــــــامش بخت / يوهــو الوكت بويه بذرانا لها
اهناك لني وحـــــدي تبسمت / شفت الربـــــع لا ضنوتي ولا ضمد
صرت من اكومن ماعساني كمت / اتـــــوجــــه بيمن يا زماني بعد
سنينك يساره واتعباها الدرب / مو حش ولا والي اليرد وحشته
سنينك عذارى فرهدوها الغرب / مــــــــــــات الضمير الماتنز ريته
فترت رحاها وبين المايطب / بيها ولا خل الرخــــص مــــهجــــــته
حبابك يمن باحبابك تحزمت / رفـــــجـــــة درب جاوينهم من نشد
هذا انا طبعي وما درى اليشتمت / طبــــع الحديد المابرا مستحد
هو بالغنايم والنا بيها طنب / وصاحبها صاحـــــب ما خطا بصحبته
الوادم شجاها تدور على التعب / ومتعوب ماكو لشهرت حوبته
بنادم كتلها والضمير انهب / يصير انشد الله على الذبــــــــح ركبته
وذاك انا صاحب والصحابه نمت / وخيط الشفاكه من التعتعت ركد
لكن يبويه العلماه الــــــوكت / والـــــد يصير شما تجنه الــــــولـــد منهل هادي
يصاحب هاي مو عملات صاحب / شجاك تغيرت وكصيت وياي
ونا غيرك تراني الصوت ماحب / ولك مني عليك اصبحت شجاي
من شوكي بنيت امال كبار / وحسبالي لكيت الينطره بضيج
وكلت كمش يا كلبي ايامك كصار / وراك ايام كلفه تنشف الريج
ترا يتبرا اخوك ومايحن جار / والتهوى يغط وياك للزيج
الف وسفه نسه وظليت اطالب / ترد ايامي ذيجه وتنحدر هاي
وانا حملت من همي مراجب / دبرني يصاحب كون الك راي
الك يلما نسيتك بالعمر يوم / ومن عكبك غدت سوده الليالي
الوم الروح بس شيفيدني اللوم / بعتني ارخيص وانا الجنت غالي
ترا بركع الدنيا عاف كل حوم / وغطا عيوني وعماني وشده بالي
وابد ما فاركت فكد السباسب / ولا فاركت شوكي الدكت الناي
وحك الله سهل لدغ العجارب / اصيح العطش وانا بديرة الماي
ثكل حمل الليالي بغير عوان / العطش موش الحمل جتالها العيس
شجانا تفاركينا وجنا خوان / شمثل حوه لون ما سامعه بليس
دنيا وللتمهزل راعية شان / كلتها وتو عرفت برايك اتجيس
يمن لعكول المحبين سالب / وانا عكلي ودليلي ولبت حشاي
كمت بس استحل منك مناقب / ولن سهم الشماته صفح وياي
تو روحي انكطع منك املها / وتو كلبي انترس يفلان نجلات
من كونك تحاسبني بجهلها / حرام انجان تلكا الماله زلات
يصاحب والرفاكه انته من اهلها / وتريد الصدك بيده المحبس يبات
ترا المايعرف تعلمه التجارب / واضن الوكت علمني وكصه وياي
اشوفك طنب للزلات ناصب / وناصبلك عزه بالصيف لشتاي
بعد عدي سوالف مالها لسان / وبعد عدي حجي وياك مدفون
بناي ازرع شلب شو يطلع دنان / وأنا الجنت اعلم باليزرعون
بنيت وكلت والله خوش بنيان / واثاري الكبر ما يعصي اليهدمون
ينور العين لسا ليش غايب / وجنت ذاك الخوي التبجي على مبجاي
جا منهو اعز مني يصاحب / الك وتريد اجيبه اليوم مشاي
